شلون ابصبر >> قصة حب واقعية

موضوع: شلون ابصبر >> قصة حب واقعية 16/10/2008, 11:35 pm

هااااي.... القصة اللي راح أحطها للأمانة منقولة.... فأتمنى انها تعجبكم....يلا نبلش...

خالد وعلاوي عيال عم ؛وربع يعني الروح بالروح؛محد يفارق الثاني تسأل عن خالد يقولولك مع علاوي وتسأل عن علاوي يقولولك مع خالد.وأعمارهم على 19 سنة

في بيت العم بوخالد العايلة متيمعة ع الغدا

خالد يطالع بنت عمتة نوال بنظرات اعجاب (عمرها 17)؛ ويقول بقلبة
خالد:يا حلاتج يا نوال والله امووووت فيج
علاوي قاعد يضحك على خلود الناس قاعدة تاكل واهوة متأمل بنوال

طبعا نوال ما درت عنة ولا اهوة في بالها اصلا قاعدة تسولف مع نورة بنت عمها

بو جاسم(ابو علي):خلود يبا أكل شفيك متنح
خالد:ها لا عمي هههههه ماكو شي بس شوي سرحان

خلصوا من الغدا وقعدوا بالصالة ..وبو خالد وبو جاسم راحوا الحديقة..... و خالد متنح على نوال

ام نوال:يمة نوال آنا اليوم ما اقدر اوديج السوق آنا وابوج عندنا شغل.

نوال : لا يمة عفية آنا و نورو نبي نروح .

ام نوال :لا يمة خليها مرة ثانية.

نوال:اووفففففف ... خلاص ماشي يا الغالية .

نورة :بعد تتأففين والله يا ام نوال انتي تعطين بنتج وييه زيادة عن اللزوم.

نوال تهمس حق نورة: انتي سكتي ولا كلمة .

خالد فز من مكانة :ها لا آنا اوديها مو مشكلة .

علي: خلود ومشوارنا اليوم.

خالد يطالع علاوي بنظرات عصبية.

خالد: لا يبا من قال آنا قصدي اليمعة الياي انشا الله.

ام نوال: خلاص عيل مو مشكلة

علي : خلاص عيل آنا معاكم.

نورة: وآنا بعد بروح معاكم.

نوال: انتي سكتي ما كو روحة مو توني ما استاهل.

نورة: ههههه لا والله آسفة .

نوال :اوكي خلاص بس على شرط ابيج تنقين معاي بدلة عيد ميلاد رفيجتي موضي.

نورة: اوكي ؛ افااا عليج ما طلبتي شي .

نوال: يمة خلاص عيل وديني البيت ببدل .

ام نوال :اوكي يلا دقي على ابوج او تلقينة بالحديقة مع عمج بو خالد قوليلة احنا
زاهبين ؛ خل يشغل السيارة.

نوال: اوكيك يمة على امرج؛ جم سعاد عندي آنا (سعاد اسم ام نوال).

ام نوال: هههههههههههه ؛ خلصيني يمة علشان ولد عمج خويلد يمرج.

خالد:عمتي اساعةجم امرها؟؟؟

ام نوال: مادري والله الحقها اسألها ...

نورة: لا يبا لا تلحقها ولا شي مرنا بعد ثلاث ساعات.

علاوي: اوووولة 3 ساعات يا الظالمة حشا رايحين عرس مو مشوار.

نورة : ههههههههه؛حتى العرس ما ياخذ 3 ساعات
.

خالد: لا آنا بروح اسألها احسن.

علاوي : بروح معاك انطرني.

خالد: ولـــــــــــــــــــييييه

خالد واهوة يهمس حق علاوي :انت شكو والله ازعاج شتبي لا حقني.

علاوي:مو شغلك حبيت اتحرش.

واهمة رايحين الحديقة ؛ راح خالد عند نوال اهية كانت رادة داخل البيت وخالد

طالع يبي يحاجيها ؛

خالد: نوال

نوال :يمة بسم الله الرحمن الرحيم شفيك خرعتني انت مع الثاني هاذا .

علاوي انت جايف شعرك بسم الله روح سنعة لا تفشلني اخاف رفيجاتي هناك

خالد:خخخخخخخخخخخخ

علاوي: هههههههه؛ لا كيفي بخلي جذية

خالد: ع العموم الساعة جم امرج

نوال :اممممممم بعد 4 ساعات.

نورة: نواااااااااااااااااااااااااااال فوووونج يدق.

نوال: ويييي وخر انته وياه اهو.

علاوي: خخخخحح؛ شكل الحبيب داق.

بو نوال: خالد حبيبي ناد ام نوال قولها اني آنا ناطرها اهية ونوال بالسيارة.

خالد: انشا الله عمي

راحوا داخل البيت

خالد: ام نوال؛نوال عمي ناطركم برة بالسيارة يالله بسرعة.

نوال واهية تتحجا بالفون تمشي وخالد ماسك الباب ونوال مرت من عندة واهية تتضحك

لمن راحوا البيت قعد خالد وعلي بالديوانية
علاوي:خلود ممكن سؤال
خالد: ...........

علاوي: هلو نحن هنا

خالد...........

علاوي: خلوووووووووود

خالد: بسم الله انتة شتبي واااي والله مزعج خير شتبي نعم قطعت حبل افكاري.

علاوي:خخخخخخخخخ؛ اسمع انتة بالسوق لا زم تكشخ عند نوال.

خالد: الحمد لله والشكر ؛ما يبيلة سؤال آنا حلو من غير ما أكشخ.

علاوي: يا شين الغرور ههههههههه ؛لا حبيبي يالله عاد . آنا بروح البيت بتزقرت علشان اليوم الناس زحمة
والبنات وااايد بصيدلي جم وحدة.

خالد: استغفر الله والله ما تستحي وتتكلم عندي بعد.

علاوي: اسكت بس مسوي روحك شريف روما يالله آنا ماشي ؛ مالي خلق اروح بسيارتي مرني بعد 3 ساعات
ههههههههههه . ولا اقولك بعد 4 ساعات.

خالد :ولا تتطنز عليها بعد حدك عاد.

علاوي :شدراني عنها اللي يسمعها اهية والثانية نورو يقولون رايحين عرس.

خالد حذف الكوشية على علاوي

خالد: اذلف اقول عطنا مقفاك اوت اوت.

علاوي: هههههههه يالله جاااو يا المثقف.

بعد 3 ساعات راح خالد دارة وتزقرت على قولة علاوي وكشخ ما خلا شي وحط هالعطر وسوا هالسبايكي .

دق فون خالد واهوة واقف عند التواليت

خالد: اوووف شرط علاوي ما راح ارد علية

والفون قعد يدق ويدق ويدق

خالد طالع ولا رقم غريب

خالد: الو

نوال: انته وينك صارلي ساعتين الساعة الحين سبع وانته ما خلصت لا وتتطنزون علينا شكلكم انتو البنات مو احنا

خالد بقلبة فديت هالصوت والله

خالد: نوال شفيج من تحجيتي عرفت انها انتي

نوال: لا صج خلود وينكم طولتو

خالد: كاني ياي الحين بطلع

نوال: بسرعة اوكي .

خالد: اوكي بمر علاوي واييكم بسرعة

نوال: بسرعة بعد لا تمر نورو اهية قاعدة عندي اوكي باي

خالد: باااايات

خالد دق على علاوي

خالد: اوووف هاذا شفية ما يرد

بعد ربع ساعة

علاوي: ها حبيبي شتبي

خالد: هي انته, شنو ؛شنو ابي يالله آنا بمرك

علاوي: ليش انشا الله.

خالد: ويهد انشا الله مو تبي تروح معانا

علاوي : يوووووووو آنا توني قاعد من النوم والله نسيت

خالد: تدري شلون اقعد ما راح امرك؛نوالو دقت علي وتبينا نمرها بسرعة

علاوي: وهاذي شعرفها رقمك

خالد: وآنا شدراني يالله بسرعة.

يتبـــــــــــــــــع ...

البارت (2) ..... يلا نبلش.... آخر شي وقفت عند علاوي سأل خالد من وين نوال هالرقم

علاوي:اوكي مر البنات اول بعدين آنا وقول حق نوال لا تقعد جدام

خالد: والله ياهل خلصني بسرعة؛ باي

مر خالد بيت عمة بو نوال وقعد يطق هرنات ؛ محد طلع

خالد: شكلي بنزل قبل لا تطلع

مشى خالد لي باب البيت ؛وطق الباب طلعت الخدامة

خالد: وين نوال؟

الخدامة : نوال مو هني .

خالد: شنو ؛ وينها ؟

الخدامة:روه مع نورة.

خالد:وين ما ما نوال.

الخدامة: ماما نوال راه مع بابا نوال كلة برة .

عصب خالد ؛ جان يدق فونة

خالد: هلا علاوي

علاوي: خلود دقت نورة علي وتقول انها اهية ونوال خلاص راحو .

خالد: منو وداهم.

علاوي: مادري والله ؛الحين يخلونا نمرهم وآخر شي ما يبون والله قلة أدب

خالد: خلاص خلاص ؛امش معاي المجمع يمكن نلقاهم.

علاوي:اوكي خلاص انا زاهب بس مرني .

خالد: اوكي آنا اعلمها شلون تكسر فيني.

علاوي: أي بو خلي ورها الشغل.

خالد: اوكي ؛آنا يايك.

علاوي:باي
خالد: بايات

خالد وعلي واهمة بالسيارة ؛خالد كان سرحان

علي:خويلد شفيك؟
خالد: .............

علي: يلا بدينا الحالة ؛خالد وتنح؛خااااااااااالد

خالد:سامعك شرط يعني اقولك نعم شتبي

علي: خلود احنا رايحين هناك مو ؛

خالد: أي انزين بعدين

علي: اذا لقيناهم شنو راح تقولهم

خالد: ما راح اقول شي ؛ ارتحت

علي :لا صج حبيبي شراح تقول؟

خالد: كل شي بوققتة حلو

علي: ماشي؛خلاص كل شي بوقتة حلو ؛كل شي بوقتة حلو

خالد وعلي وصلو المجمع قعدو يحوسون فيه يدورون هالعلتين.

نوال: نورو هذيلة مو جنهم خويلد وعلاوي

نورة : لا مو اهمة يتهيألج

نوال: امشي صوبهم يمكن اهمة

نورة: لا عمري مصدقة روحج انتي منو قالج يمكن يطلعون شباب ثانين

نوال: أي مو مشكلة ؛ يلا عاد بسرعة

نورة : لأ مابي خل نروح الصوب الثاني الظاهر خرفتي

نوال: اوكيك يلا

نوال ونورة راحوا الصوب الثاني ؛ وخالد وعلاوي مرو من المكان اللي كانو فيه البنات وما جافوهم

خالد: ولــــــيه الحين وين ألقاهم ؛

علي:دق عليها يا الغبي

خالد: لأ خل اجوفها من بعيد علشان اقولها اهية أي صوب واذا جذبت علي يعني ما تحبني.

علي:هههههههههههههههههههههههههههههههههههههه ؛ انته من صجك امحق والله انته ويهك ويه حب
خالد: ادري بس والله احبها

علاوي: امش يا الياهل خل نروح الكوفي شوب مشتهي موكا فرابتشينو.

خالد: يالله خل نجوف آخرتها مع هالبنات

نوال: نورة امشي معاي الكوفي شوب نقعد ؛تعبت وآنا امشي

نورة: محد قالج لبسي هالكعب .

نوال: امشي بلا سخافة عاد

نورة: يلا ؛ بس على شرط

نوال: آمري بس امشي والله تعبت

نورة : على حسابج

نوال: يا حظي ومن امتا صار على حسابج

نورة:هههههههه يلا

نوال و نورة راحو الكوفي شوب الي فيه خالد وعلي

بس كل واحد بصوب يعني خالد ما يقدر يجوفهم لانهم مو مبينين

نورة: نوالو دقي على خلود قوليله احنا بالمجمع

نوال: مو آنا قتلج تعلمين علي

نورة: خو علاوي طايح حظة نساي

نوال: آآآآآخ منج تكفين بسج خلاص سوينا اللي علينا ؛ بس لا تييبين طاريهم

نورة:؟؟؟؟ شنو ليش

نوال: ودي اقولج بس خوفي انج تضحكين علي

نورة: هههههههه وليش اضحك

نوال: لا والله من اولها تضحكين لا حبيبتي خلاص ما راح اقوووولج

نورة: لا نوالو انتي تدرين ما احب هالسوالف تقولين بقولج بعدين ما تبين تقولين ؛والله افشلج

نوال: فشليني

نورة: نوالو يالله نواااااااالو

نوال:............

نورة: نوااااااااااااااااااالو ؛نواااااااااااااااااااااااااال ؛نواااااااااااااااال

نوال: بسج فظحتينا عند الناس والله الشرهة علي ما خذتج معاي

نورة: قولي لي السالفة

نوال: حلفي ما تعلمين أحد

نورة: والله ما راح اعلم والله ياهل ترى قديمة تحلفيني

نوال: بسج لاق وسمعي ؛ آنا احب لي واحد بس المشكلة ما اعرف اعبر عن حبي لة

نورة: بالله منو تعيس الحظ هاذا

نوال: يعني؛ ها

نورة: لا يبا ترى اتغشمر عاد؛

دق فون نوال

نوال: هلاااااااا مويضي شلونج ما بغيتي تدقين

موضي: هلا والله كاني دقيت

نوال: هههههههه؛ تعالي عندنا هني آنا ونورة

موضي: لحظة لحظة كاني اجوفكم بالكوفي شوب.

نوال: ههههههه انتي هني اقول آنا ما اتطوفين

نورة: وينها وينها

نوال: اوكيك حبيبتي ؛ يالله بااايات ؛ نورو روحي مويضي كاهيه هناك روحي سلمي عليها ليمن اعدل شكلي يالله بسرعة.

نورة راحت صوب موضي ؛ واهية تمشي جافت خالد وعلي

نورة : خلود علاوي انتو هني

خالد: تعالي ام السعف والليف انتو وينكم ؟ وين نوال

علاوي: خخخخخخخخخخ والله صاج ام السعف والليف

نورة: جب بس جب انثبرو رفيجة نوال ياية لا تقربون صوبنا

خالد: لا بقرب صوبكم وين نوال

نورة: خويلد واللي يعافيك لا راحت رفيجتها ذيج الساعة تعالو

اكمل بعد الردود

كملي خلينا نشوف اخرتها

[ندعوك للتسجيل في المنتدى أو التعريف بنفسك لمعاينة هذه الصورة]